İslamda körpə uşağa süd vermək (Səkkizinci fəsil)

  Uşağa süd verməyin son həddi iki ildir. Üzürsüz yerə bundan artıq vermək caiz deyil. Lakin gərək iyirmi bir aydan az süd verməsinlər. Əgər zəruri olarsa bundan tez ayıra bilər. Bütün südlərin ən üstünü və əhəmiyyətlisi ana südüdür.

İslamda oğlanı sünnət etmək və uşağın qulağını deşmək qaydaları (Yeddinci fəsil)

   Oğlanların sünnət olması vacib bir əməl kimi qeyd olunmuşdur. Əgər uşağı yeddinci günündə sünnət etsələr bu həm savablı işdir, həm də uşağın bədənini bütün çirkablıqdan pak edər, həmçinin uşaq tez inkişaf edər. O uşaq ki, sünnət olunmayıb onun torpaq üzünə bövl etməsindən yerin acığı gəlir. Əgər bir uşağı qırx gün müddətində sünnət etməsələr onun sidiyindən torpaq nəcis olar. Bu da çox pis işdir. Həmçinin həmin torpaq o şəxsin əlindən Allaha şikayət edər.