İslamda mö`minlərə yemək və su vermək, onları geyimlə tə`min etmək və onlara kömək etmək barəsində (Yeddinci fəsil)

     Bilin: Günahların bağışlanmasını vacib edən işlərdən biri də ac olan müsəlmanı doydurmaqdır. Və mö`min qardaşlara təam vermək rəvayətlərdə rəğbətləndirilmişdir. Rəvayətdə var ki, hər kəs Allah rizası üçün bir mö`minə yemək versə elə bil yüz min nəfər başqasına təam vermişdir. Rəvayətdə qeyd ediblər ki, imkanlı mö`minə təam vermək həzrət İsmayılın övladlarından birini ölümdən xilas etməyə bərabərdir. Və hər kəs ehtiyaclı bir mö`minə yemək yedirdərsə bu yüz nəfər İsmayıl övladını ölümdən xilas etməyə bərabərdir. həzrət Muhəmməd Peyğəmbər (səlləllahu əleyhi və alihi və səlləm)-dən nəql olunur ki, hər kim bir müsəlmana su bol olan zaman sudan şərbət verərsə Allah taala ona yetmiş min yaxşı əməl əta edər. Əgər su tapılmayan zaman ona su vermiş olarsa elə bil İsmayıl övladlarından olan on qulu azad etmişdir. Və bir hədisdə buyurur: Allah üçün ən yaxşı əməllər üç şeydir:

     1-Ac olan bir müsəlmanı doydurmaq.
     2-Müsəlmanın borcunu ödəmək.
     3-Onun ürəyindən qəmi götürmək.
 həmçinin buyurulur:
     -Yemək verilən evə xeyir bərəkət, bıçağın dəvənin hürgücünə batdığından daha tez gedər. hədisdə deyilir ki, dörd şey vardır və hər kəs onun birinə əməl edərsə cənnətə daxil oacaqdır.
     1-Susuz insanı sirab etsə.
     2-Acı doydursa.
     3-Çılpaqı geyindirsə.
     4-Çətinlikdə olan qulu azad etsə.
     həzrət İmam Əli ibni Hüseyn Zeynül-Abidin əleyhissalamdan nəql olunur ki, hər kimin artıq paltarı olarsa və mö`min qardaşının ona ehtiyacı olduğunu bilərək ona verməzsə Allah taala onu başıaşağı cəhənnəmin oduna atacaq. hər şəxs ki, doyanacan yeyərsə və ac bor mö`min onun yanında olsa Allah taala mələklərinə buyurar:-Sizi şahid tuturam ki, mən bu bəndəyə əmr etdim, lakin o mənim əmrimdən boyun qaçırdı və başqalarına itaət etdi. Agah olun ki, mən onu öz əməlinə buraxdım və heçvaxt onu bağışlamaram. həmçinin həzrət Muhəmməd Peyğəmbər (səlləllahu əleyhi və alihi və səlləm)-dən nəql olunur ki, müsəlman qardaşı ac ola-ola doyunca yemiş insan mənə iman gətirməmişdir. Başqa bir hədisdə də buyurur:-hər kimsə müsəlmanların əziyyət çəkməsinə səbəb olan bir şeyi onun yolundan kənar edərsə Allah taala hər dəfə on yaxşı əməl yazmaqla dörd yüz ayəni oxumağın savabını ona yazar və başqa hədisdə buyurdu:-Müsəlmanın yolundan bir tikanı götürən bəndə Cənnətdədir.

                                                   hədiyyə verməyin savabları

     hədiyyə göndərmək müstəhəbdir. Rəvayətdə var ki, hədiyyə kini sinələrdən təmizləyər və həmçinin rəvayət olunmuşdur ki, hədiyyəni hədiyyə verilən qabı qaytarmaqla daimi edin. hədiyyə üç qismətə bölünür:
     1-Biri həmin hədiyyədir ki, müqabilində mənfəətə təvəqqe olunsun.
     2-Rüşvət üçün olan hədiyyə.
     3-Allaha görə göndərdiyin hədiyyə. Bu işdə maddi xeyri güdməyəsən. Bu çox bəyənilmişdir.

(Şeyx Abbas Qummi)

QEYD: Bu oxuduğlarınızı mütləq yaxınlarınıza, tanışlarınıza və dostlarınıza çatdırın və onlara köməklik edin doğru yolda.

Həmçinin saytı insanlara məsləhət görün: www.ismayiln-off.blogspot.com